Liebi Fründe u Fans
Nach guet 9 Jahr uf dr Bühni mit de Örgelifäger isches ize Zit für zum Witerzieh. Mi Entscheid isch mir schwär gfaue u basiert uf bruefleche- u private Gründ.

I wet mi für au die schöne u lustige Begägnige härzlech bedanke! Merci o mine Kollege, mir hei i dere Zit viu zäme erläbt u hei nie es Gsürm gha! Merci für die Zit.

U de höreni am Beste so uf, wini ah de Uftritte geng dr „Letscht" ha ahgseit: "I wünsche öich ä gueti Zit, hoffe bire angere Glägeheit. Tschüss zäme u merci viiu mau!!"

Merci viu mau für di Bsuech uf üsere Internet-Sitä vo dä Örgelifäger. Mir wünschä dir viu Spass bim surfä uf üsere Homepage. Ir Navigations-Listä fingsch du aui Informationä, Neuigkeitä u natürlich o der Spielplan. Es würd üs fröie, di mau amene Uftritt dörfä ds begrüessä. Es Feedback miteme Itrag i üsem Gästebuech würd üs o sehr freue. We dir Bilder oder Videos vo üs machet, nähme mir die sehr gärn entgäge :)

O mir Örgelifäger si uf de angere Internetplattforme ds gse. Drum bsuechet doch o üsi Facebook Site uf: https://www.facebook.com/oergelifaeger Mir fröie üs über jedes Like. Viedos oder Hörprobe si uf üsem Youtube Kanal ds finge: https://www.youtube.com/channel/UCG-iYoQEdLB9nKnLvfoHnNg

Nöi si mir auf uf Instagram ds gse. Finge tuesch üs unger: oergelifaeger